बहुजन विकास आघाडीच्या ज्येष्ठ नेत्यांवर शुभेच्छांचा वर्षाव

* काशिनाथ पाटील, बळीराम जाधव आणि रूपेश जाधव यांचे वाढदिवस उत्साहात साजरे

* बहुजन विकास आघाडी, वालीव विभाग व सारंग मित्र मंडळाकडून अभिष्टचिंतन ; जनसेवेबद्दल कृतज्ञता व्यक्त

वसई-विरार / नरेंद्र पाटील :- बहुजन विकास आघाडीचे ज्येष्ठ नेते तथा माजी ठाणे जिल्हा परिषद अध्यक्ष मा. श्री. काशिनाथ पाटील, माजी खासदार मा. श्री. बळीराम जाधव आणि माजी महापौर मा. श्री. रूपेश जाधव यांच्या वाढदिवसानिमित्त वसई-विरार परिसरात उत्साहाचे वातावरण निर्माण झाले असून कार्यकर्ते, पदाधिकारी, सामाजिक क्षेत्रातील मान्यवर आणि नागरिकांकडून त्यांच्यावर शुभेच्छांचा वर्षाव होत आहे.

सामाजिक, शैक्षणिक आणि विकासात्मक कार्याच्या माध्यमातून जनसामान्यांच्या मनात वेगळी ओळख निर्माण करणाऱ्या या तिन्ही नेत्यांच्या वाढदिवसानिमित्त विविध ठिकाणी शुभेच्छा फलक लावण्यात आले. तसेच त्यांच्या दीर्घायुष्य, उत्तम आरोग्य आणि यशस्वी वाटचालीसाठी शुभेच्छा व्यक्त करण्यात आल्या.

यावेळी सामाजिक कार्यकर्ते राहुल आत्माराम घरत, दलविंदर सिंग, समीर यशवंत पाटील, समीर कडुळकर, प्रथमेश कैलास पाटील, पराग वसंत पाटील, संजय निशाद आणि विशाल विरारकर यांच्यासह बहुजन विकास आघाडी - वालीव विभाग आणि सारंग मित्र मंडळ यांच्या वतीने मान्यवरांना वाढदिवसाच्या हार्दिक शुभेच्छा देण्यात आल्या.

* जनसेवेच्या कार्याचा गौरव :- शुभेच्छुकांनी आपल्या भावना व्यक्त करतांना सांगितले की, काशिनाथ पाटील, बळीराम जाधव आणि रूपेश जाधव यांनी अनेक वर्षे जनतेच्या प्रश्नांसाठी सातत्याने संघर्ष केला आहे. सामाजिक बांधिलकी, विकासाभिमुख विचारसरणी आणि सर्वसामान्यांशी असलेली नाळ यामुळे त्यांनी लोकांच्या मनात विशेष स्थान निर्माण केले आहे.

माजी ठाणे जिल्हा परिषद अध्यक्ष म्हणून काशिनाथ पाटील यांनी ग्रामीण विकासासाठी दिलेले योगदान, माजी खासदार बळीराम जाधव यांनी संसदेतून आणि विविध सामाजिक उपक्रमांतून केलेले कार्य तसेच माजी महापौर रूपेश जाधव यांनी स्थानिक स्वराज्य संस्थांमधून केलेली विकासकामे यांचा विशेष उल्लेख करण्यात आला.

* नेतृत्व आणि कार्यकर्त्यांतील दृढ नाते :- बहुजन विकास आघाडीच्या कार्यकर्त्यांनी आपल्या नेत्यांप्रती कृतज्ञता व्यक्त करतांना सांगितले की, या तिन्ही नेत्यांचे मार्गदर्शन आणि नेतृत्व हे कार्यकर्त्यांसाठी प्रेरणादायी राहिले आहे. त्यांच्या कार्यपद्धतीमुळे अनेक युवक सामाजिक आणि राजकीय क्षेत्रात सक्रिय झाले आहेत.

* उत्तम आरोग्य व दीर्घायुष्यासाठी शुभेच्छा :- वाढदिवसानिमित्त शुभेच्छुकांनी मान्यवरांच्या उत्तम आरोग्यासाठी, दीर्घायुष्यासाठी आणि भविष्यातील यशस्वी वाटचालीसाठी सदिच्छा व्यक्त केल्या. भविष्यातही ते समाजहिताच्या कार्यात अधिक जोमाने पुढाकार घेतील आणि जनतेच्या प्रश्नांसाठी सदैव कार्यरत राहतील, असा विश्वासही यावेळी व्यक्त करण्यात आला.

वसई-विरार परिसरात विविध ठिकाणी लावण्यात आलेले शुभेच्छा फलक, कार्यकर्त्यांचा उत्साह आणि नागरिकांकडून व्यक्त होणाऱ्या शुभेच्छा यामुळे या वाढदिवस सोहळ्याला विशेष महत्त्व प्राप्त झाले आहे.

"आपले नेतृत्व, सामाजिक बांधिलकी आणि जनसेवेची तळमळ हीच आमच्यासाठी प्रेरणा आहे. आपण असेच समाजकार्यात अग्रेसर राहून जनतेच्या सेवेसाठी कार्यरत रहावे, हीच सर्व कार्यकर्त्यांची सदिच्छा आहे," अशा भावना शुभेच्छुकांनी व्यक्त केल्या.