* साइको किलरच्या कथानकावर आधारित चित्रपट
* अभिनेत्री नीता शर्मा दुहेरी भूमिकेत झळकणार
मुंबई / प्रतिनिधी :- रहस्य, थरार आणि मनोवैज्ञानिक गुंतागुंतीने भरलेला “द 7 डेथ्स” (The 7 Deaths) हा बहुप्रतीक्षित चित्रपट लवकरच प्रेक्षकांच्या भेटीला येणार आहे. हा चित्रपट कन्नड, हिंदी आणि तेलुगू या तीन भाषांमध्ये प्रदर्शित होणार असून चित्रपटसृष्टीत सध्या त्याची मोठी चर्चा सुरू आहे.
या चित्रपटाचे दिग्दर्शन अजय कुमार यांनी केले असून लव शर्मा आणि एन शर्मा हे या चित्रपटाचे निर्माते आहेत. चित्रपटाची कथा सचिन प्रजापती यांनी लिहिली आहे. रहस्य आणि थराराने भरलेली ही कथा एका साइको किलर मुलीभोवती फिरणारी असून चित्रपटात अनेक अनपेक्षित वळणे पाहायला मिळणार आहेत.
* नीता शर्मा दुहेरी भूमिकेत :- या चित्रपटात अभिनेत्री नीता शर्मा मुख्य भूमिकेत झळकणार असून त्या दुहेरी भूमिका साकारणार आहेत. चित्रपटात त्या एका बाजूला धाडसी महिला पोलिस अधिकारी, तर दुसऱ्या बाजूला निर्दयी आणि रहस्यमय साइको किलर अशा दोन परस्परविरोधी भूमिकांमध्ये दिसणार आहेत. या दोन व्यक्तिमत्त्वांमधील संघर्ष आणि रहस्यामुळे चित्रपटाची कथा अधिक रोमांचक बनणार असून प्रेक्षकांना शेवटपर्यंत गुंतवून ठेवण्याचा प्रयत्न करण्यात आला आहे.
* दक्षिण भारतीय कलाकारांचीही झलक :- या चित्रपटात दक्षिण भारतीय चित्रपटसृष्टीतील काही नामांकित कलाकारही महत्त्वाच्या भूमिकांमध्ये दिसणार असल्याची शक्यता व्यक्त केली जात आहे. त्यामुळे या चित्रपटाबाबत प्रेक्षकांमध्ये उत्सुकता वाढली आहे. चित्रपटाचे संगीत लाया कोकिला यांनी दिले असून ते या चित्रपटात एक महत्त्वाची भूमिका सुद्धा साकारणार आहेत. संगीत आणि कथानकाच्या मिश्रणामुळे चित्रपटाचा थरार अधिक प्रभावी होण्याची अपेक्षा आहे.
* लवकरच सिनेमागृहात प्रदर्शित :- रहस्यमय आणि थरारक कथानकामुळे “द 7 डेथ्स” हा चित्रपट प्रेक्षकांसाठी एक वेगळा अनुभव ठरेल, असा दावा निर्मात्यांनी केला आहे. हा चित्रपट याच वर्षी लवकरच सिनेमागृहात प्रदर्शित होणार असून प्रेक्षकांकडून त्याला चांगला प्रतिसाद मिळण्याची अपेक्षा व्यक्त करण्यात येत आहे.
Social Plugin