'मुख्यमंत्री माझी लाडकी बहीण’ योजनेचा फेब्रुवारी सन्मान निधी वितरणास प्रारंभ

* 2-3 दिवसांत लाभार्थ्यांच्या खात्यात रक्कम जमा

* राज्यातील महिलांसाठी दिलासादायक निर्णय

मुंबई / प्रतिनिधी :- राज्यातील महिलांसाठी महत्त्वपूर्ण ठरलेल्या ‘मुख्यमंत्री माझी लाडकी बहीण’ योजनेअंतर्गत फेब्रुवारी महिन्याच्या सन्मान निधी वितरणाची प्रक्रिया आजपासून सुरू करण्यात आली आहे. या योजनेतील सर्व पात्र लाभार्थ्यांच्या आधार संलग्न बँक खात्यात पुढील 2 ते 3 दिवसांत निधी जमा होणार असल्याची माहिती प्रशासनाकडून देण्यात आली आहे.

या निर्णयामुळे राज्यातील लाखो महिलांना आर्थिक दिलासा मिळणार असून त्यांच्या दैनंदिन गरजांसाठी हा निधी उपयोगी ठरणार आहे. शासनाच्या या उपक्रमामुळे महिलांच्या सक्षमीकरणाला चालना मिळत असल्याचेही दिसून येत आहे.

महायुती सरकारच्या पुढाकारातून राबविण्यात येणारी ही योजना महिलांच्या आर्थिक स्वावलंबनासाठी महत्त्वाची भूमिका बजावत आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्रा अजित पवार यांच्या मार्गदर्शनाखाली या योजनेची अंमलबजावणी प्रभावीपणे सुरू आहे.

सन्मान निधी वेळेत मिळत असल्याने लाभार्थी महिलांमध्ये समाधानाचे वातावरण असून शासनाच्या या निर्णयाचे स्वागत होत आहे. ग्रामीण व शहरी भागातील महिलांसाठी ही योजना आर्थिक आधारस्तंभ ठरत आहे. महिलांच्या सक्षमीकरणासाठी राबविण्यात येणाऱ्या या योजनेची पुढील वाटचालही अशाच गतीने सुरू राहील, असा विश्वास व्यक्त करण्यात येत आहे. राज्यातील ‘लाडक्या बहिणीं’चा वाढता प्रतिसाद आणि विश्वास यामुळे ही योजना अधिक प्रभावी ठरत असल्याचे स्पष्ट होत आहे.