बौद्धजन सहकारी संघाच्या अमृत महोत्सवी वर्षानिमित्त जिल्हास्तरीय भव्य बैलगाडा शर्यत

गुहागर / रामदास धो. गमरे :- रत्नागिरी जिल्ह्यातील गुहागर तालुक्यातील सामाजिक, धार्मिक, शैक्षणिक क्षेत्रात उल्लेखनीय कामगिरी करण्यास अग्रगण्य असणाऱ्या बौद्धजन सहकारी संघाला ७५ वर्षे पूर्ण होत असून या अमृत महोत्सवी वर्षाचे औचित्य साधून मुंबई गाव शाखेच्या वतीने या वर्षभरात विविध कार्यक्रमांचे आयोजन करण्याचे ठरविण्यात आले असून त्यातील एक कार्यक्रम जिल्हास्तरीय भव्य बैलगाडा शर्यत स्पर्धेचे शुक्रवार, २७ मार्च २०२६ रोजी सकाळी ठीक ९ वाजता कालभैरव मैदान, झोमडी, गुहागर येथे अखिल रत्नागिरी जिल्हा बैलगाडा चालक मालक सेवा संघ यांच्या मान्यतेने आयोजन करण्यात आले आहे.

ही बैलगाडा शर्यत स्पर्धा घाटी गट फायनलमध्ये प्रथम क्र. ५१,००० व आकर्षक ढाल, द्वितीय क्र. ४१,००० व आकर्षक ढाल, तृतीय क्र. ३१,००० व आकर्षक ढाल, चतुर्थ क्र. २१,००० व आकर्षक ढाल, पंचम क्र. ११,००० व आकर्षक ढाल तसेच आडघाटी गट फायनलमध्ये प्रथम क्र. १२,००० व आकर्षक ढाल, द्वितीय क्र. ८,००० व आकर्षक ढाल, तृतीय क्र. ६,००० व आकर्षक ढाल तर गावठी गट फायनलमध्ये प्रथम क्र. १२,००० व आकर्षक ढाल, द्वितीय क्र. ८,००० व आकर्षक ढाल, तृतीय क्र. ६,००० व आकर्षक ढाल अशी आकर्षक बक्षीसे असून बैलगाडा शर्यत स्पर्धेस बौद्धसमाज चषक असे घोषित करण्यात आले आहे.

या बैलगाडा शर्यत स्पर्धेचे समालोचन वैभव पवार व बंटी चव्हाण हे करणार असून, झेंडा पंच म्हणून सुनील जाधव व नंबर टेकर म्हणून मंदार सकपाळ कामगिरी पाहणार आहेत. या कार्यक्रमाचे लाईव्ह चित्रीकरण गणेश हे करणार आहेत. सदर शर्यतीसाठी घाटी गट प्रवेश फी रु. १७००/- मात्र, गावठी गट प्रवेश फी रु. १५००/- मात्र इतकी आकारण्यात आली आहे. ही फी मनोज गमरे यांच्या ८८८८४६३०८० या गुगल पे क्रमांकावर जमा करून त्याचा स्क्रीनशॉट त्यांना पाठवावा, असे आवाहन बौद्धजन सहकारी संघाच्या वतीने काढण्यात आलेल्या परिपत्रकात तालुका अध्यक्ष सुरेश सावंत, बैलगाडा शर्यत आयोजक अध्यक्ष विद्याधर कदम, बैलगाडी शर्यत आयोजक राजू मोहिते यांनी केले आहे.