जनतेच्या मनातील नेतृत्वाला वाढदिवसाच्या मनःपूर्वक शुभेच्छा !

* शिवसेना जिल्हाप्रमुख रावसाहेब मनोहर गिरधर पाटील यांना धनराज चौधरी व सौ. कल्पनाबाई चौधरी यांच्याकडून अभिष्टचिंतन

जळगाव जिल्ह्यात शिवसेनेची संघटनात्मक ताकद वाढविणारे, कार्यकर्त्यांच्या अडचणींमध्ये सदैव खंबीरपणे उभे राहणारे तसेच सर्वसामान्य जनतेच्या प्रश्नांसाठी सातत्याने संघर्ष करणारे नेतृत्व म्हणजे शिवसेना जिल्हाप्रमुख रावसाहेब मनोहर गिरधर पाटील. “जिभू” या नावाने ओळखले जाणारे रावसाहेब पाटील यांनी आपल्या साध्या, मनमिळावू आणि जनसंपर्काच्या प्रभावी शैलीमुळे जनतेच्या मनात विशेष स्थान निर्माण केले आहे.

राजकारणासोबतच सामाजिक बांधिलकी जपत त्यांनी अनेक कार्यकर्त्यांना दिशा देण्याचे काम केले. गावागावांत शिवसेनेची विचारधारा पोहोचवून संघटना मजबूत करण्यासाठी त्यांनी सातत्याने परिश्रम घेतले. कार्यकर्त्यांप्रती असलेली आपुलकी, सर्वसामान्य नागरिकांच्या प्रश्नांबाबत असलेली संवेदनशीलता आणि अन्यायाविरुद्ध लढण्याची त्यांची भूमिका यामुळे ते जनतेच्या विश्वासाचे नेतृत्व ठरले आहेत.

धार्मिक, सामाजिक व सांस्कृतिक उपक्रमांमध्येही त्यांचा सक्रिय सहभाग कायम राहिला आहे. त्यामुळेच समाजातील विविध घटकांमध्ये त्यांच्याबद्दल विशेष आदर आणि आत्मीयता निर्माण झाली आहे. त्यांच्या नेतृत्वाखाली अनेक सामाजिक उपक्रमांना चालना मिळाली असून युवकांमध्येही त्यांनी प्रेरणादायी स्थान निर्माण केले आहे.

रावसाहेब मनोहर गिरधर पाटील यांच्या वाढदिवसानिमित्त नगरदेवळा विभाग प्रमुख धनराज भगवान चौधरी तसेच वॉर्ड क्रमांक 3 च्या ग्रामपंचायत सदस्या सौ. कल्पनाबाई भगवान चौधरी यांनी त्यांना मनःपूर्वक शुभेच्छा दिल्या आहेत.

"जनतेसाठी सतत झटणारे, कार्यकर्त्यांचे नेतृत्व जपणारे आणि संघर्षातून स्वतःची वेगळी ओळख निर्माण करणारे रावसाहेब पाटील यांना उत्तम आरोग्य, दीर्घायुष्य आणि आगामी वाटचालीस भरघोस यश लाभो,” अशा भावना चौधरी परिवाराच्या वतीने व्यक्त करण्यात आल्या आहेत.

शब्दांकन - फारूख शेख